整薑汁撞奶的可行方法

以前朋友話整薑汁撞奶只要煮熱D奶和糖,再加埋D薑汁便成. 後來整到一頭煙!
喺雪柜求其攞包鮮奶, 攞起D糖, 落多小好呢? 到薑汁, 點整薑汁? 用攪拌機薑加水打
到亂晒`籠'! 煮鮮奶煮到`火山爆發'! 最後撞完牛咁眼睇住, 等阿等......
廢話講完, 入正題吧! 份量和做法如下:
份量:十字牌純鮮奶 236ML (一細盒就喺236ML) , 這份量做一碗
白沙糖 1 Tablespoon(tbsp)平匙
薑汁 1 Tablespoon(tbsp)平匙
其實唔係每隻牌子嘅牛奶都做到薑汁撞奶, 我唔肯定原因, 一般我都係用十字牌純鮮奶 (十字牌有隻價錢平D嘅我試過又係唔得)或
維記全脂奶.其他好多牌子都失敗. 至於薑汁用普通的薑便可, 有件用具磨薑汁好好用的, 正確名稱唔知, 形容下吧, 好常見的, 平面一塊鐵片, 好多`濃'的.大size一般刨蘿白`詩', 買個細size. 另外薑洗淨磨汁, 磨完用小形隔篩隔渣. 薑要連皮一齊磨, 無皮 薑亦可,但無乜薑味. 量匙其實都好緊要, 若無買1set 吧, 平的$10有交易! 做法: 先準備好薑汁, 再將奶和糖用中至細火煮至70度左右(有人會問用眼點睇70度),about 煮到個`bowl'(寫唔到中文)邊開始有泡便熄火 (若煮滾D奶會失敗的,因太熱)(微波爐叮都得). 放1 tbsp薑汁在碗底, 然後撞入熱鮮奶, 撞入熱鮮奶時只需比平時`針'水時的距離高小小和快小小, 並唔需要好似拉茶咁跨張! 撞完之後等１至2分鐘便可! 唔使蓋蓋的! 有D做法係撞完之後來回拉, 但我覺得做法正確的話一次過撞入熱鮮奶效果一樣, 反而控制得唔好變咗豆腐渣.
這甜品簡單易做, 一家人一齊食最開心, 特別係冬天時! 若想同一時間做4碗, 將以上份量全部乘4便可.
即牛奶用1公升裝. 但做法有小小改變, 薑汁要放在一隻容量肯定超過4碗牛奶的大碗or容器底, 照舊撞入熱鮮奶, 然後將大碗內的薑汁熱鮮奶倒翻入個`bowl'(寫唔到中文)內, 除即倒出分4碗, 哩連串動作要快些,否則會變咗豆腐渣! 希望小小知訊對有興趣約的人有用吧!