自制奶茶

小妹非常鐘情咖啡, 奶茶.......
一日兩杯,三杯
但係係街買的多數都高糖,高卡(因為又好多茶餐廳都落煉奶或者淡奶),加上又貴，成十幾蚊杯

我又唔想從此割愛.......
所以呢排決定自己整HOME MADE奶茶喇

材料簡單：
大排檔西冷紅茶包........$15個幾有25包
雀巢高鈣脫脂奶粉
蜜糖

做法：
2包西冷紅茶包加熱水焗8分鐘
加一匙奶粉(可自行加減)
再落少少蜜糖

味道不錯，但當然比不上茶餐廳啦,志在過下口癮
但始終都比茶餐廳整的健康些

朝早沖一杯,加放一包燕麥糠一齊飲，當做早餐，正呀!